Hoscht du des schon einmal erlebt
Du hoscht dich angeml'd
Und du kummscht zu derre Schwester sagscht
Ich bin uff heut bestellt
Und die sagt guter Mann sie kännen widda geh
Weil vor dä Tür schun fuffzeh Schlange steh
Kumme se doch morge widder vorbei
Vielleicht is dann noch etwas Freitag
Glab ma’s do mänscht du hoscht än Schuss
Des is dä Wartezimmerblues
Am nächschte Tag bin ich dann schun
Mit im Wartezimmer drin
Des häßt schun was, wema weiß,
wie klä die Zimmer sinn
die Leut ham in weiser Voraussicht schun
des Feschperbrot eingepackt
während mich in meiner Unwissenheit
ach noch de Hunger plagt
ach heut wird nix aus der Visit
mei Nummer kummt am Schluss
so dicht ich uff’m Hämweg halt
die zwät Stroph vum Wartezimmer-Blues
Die Schwester kenn ich jetzt schun gut,
bin mit ihr schun fascht per du
des is günstisch, weil im Notfall hilft,
vielleicht ein Renedevous
Doch des is net notig, weil, die Tür geht auf
„Herr Köhler bitte kommen Sie rein“
Ich bedank mich beim Herrgott un sage mir
„Mensch Schlauch hoscht du ä Schwein“
weil es empfängt mich lächelnd der Arzt mit Gruß
des is dä Wartezimmer-Blues
Herr Doktor sag ich, mich drickts do newe,
was könnt denn des blos soi
der guckt net uff, sagt nur vor sich hin,
ham sie än Krankenschoin
Erst als ihm die Schwester des bestätigt hot
Geht er üwwer zur Visit
Leut so was hab ich noch net erlebt
Do kummscht äfach nimmer mit
Der hot ma in die Gosch geguggt,
hot a ä Fremdwort gsacht
un Pille hab ich griggt un dodefür
hab ich drei Tag gewart
Un obends les ich in dä Zeitung dann
Do gibt’s ä Seite „Unterhaltung“
Än Artikel über Hautchirurgie
Vun wege G’sichterumgestaltung
Do war die Fraa vun äm Bourgeois
Die fand ihr Haut zu schrunzlig
Die ging zur Behandlung noch Italie nunna
Zu einem Dr. Dr. Kunzlisch
Ein Fachmann sei’s auf seim Gebiet
Ein Mann mit sichrer Hand
Der hot drei Tag an ihr rumoperiert
Hot ihr ä neui Haut uffgspannt
Wie ich des les, do kummt ma’s hoch,
ich denk ans Wartezimmer
ich denk an Leit mit schiefe Nose
vun Hautchirurgie kän Schimmer
Die warten zwä, drei Tage lang
Uff ä viertel Stunn Behandlung
Und zwar wege Gripp un Difterie
Un net wege Gsichterverwandlung.
Drei Tag fer des Gsicht vun änna Frau Bourgeois
Ä Värtel Stunn fer die klänä Lait
So is des Verhältnis zwische Reich un Arm
Bei uns im Lande hait